Kaban ni D_BystandeR: SINUKLIAY SA HUNAHUNA

davaopride (unregistered) wrote, in response to D_BystandeR:

..naay isa ka problema sayon sultion peru lisod buhaton,og sa laing bahin naay dali nga sulosyon peru dili buhaton,,vice versa,..imo..dili ingon sa naglaban ko sa taga DSWD,peru dili na sila kaliwat ni superman nga dali ka action kung naay problema.bahala og hinay hinay basta kanunay nag volunter namaN gani ning mga pipila nato ka mga kaigsuonan,para lang madali ang pag apod2x sa tinood gyud nga biktima sa kalamidad,,''kanang lider sa mga militante ako nila nag volunter naLAng unta na sila sa gobyerno para makita nila kung asa ang lapses,dili nang maG SIGI OG GAMIT ANANG mega phone mag agni anang mga biktima sa kalamidad para mubatok sa atong gobyerno..kini pong taga dswd,kung naa man silay pinili sa ilang mga gipangtabangan,dapat pod silang manubag ana../naa lang koy ipabilin sa mga lider sa mga militante,AYAW NINYO GAMITA ANG DEMOKRASYA,SA PAG GUBA SA DEMOKRASYA....busa bisan unsaon ninyo og dagan nga mamahimo mong politiko dili gyudmo kadaog,,kay ang mga tao nakaba lu na kung unsay tumong og tuyo ninyo.peace.............

D_BystandeR wrote:

Ang resulta nga nagkagubot na ang mga kabus nga kaigsuonan nato nga nahiagum sa usa ka mangilngig nga kalamidad gumikan sa bagyong "Pablo" nga mikalas ug kapin sa usa ka libo ka kinabuhi sa mga alaot nga biktima, kana tungod kay sulod sa pila na ka buwan wa pa nila madawat ang kinatibuk-an sa hinabang nga giandam unta para kanila aron pagsulbad sa ilang nahiaguman nga kalisud sa ilang panginahanglan. Mismo ang mga nasud nga mipadala sa maong mga hinabang mipadayag na sa ilang kabalaka ug kahingawa sa kadugay nga naglimin sa pangutana kun kanus-a pa nila ipanghatag sa DSWD ngadto sa mga hingtungdan? Unsaon pa ang kumpay kon patay na ang kabayo? Ang rason tungod kay gusto sa DSWD nga mohimo ug lista ang mga kabus nga biktima tingali aron ilang subayon kon tinood ba ang maong lista....

(Bug-os ang  pasalamat sa KAHAYAG ngadto sa magtatampo  nga si JOHNNY LOVE. Nagtakuban siya sa pangalan, "D_BystandeR".  Natawo siya sa Sugbo apan anaa na karon manimuyo sa Illinois sa tinipong nasod sa Amerika. Ang kusog nga koneksyon sa kasayuran pinaagi sa internet kanunayng naghaling sa iyang kadasig  pagtuki sa mga nagbukalbukal nga hisgutanan dinhi sa atong nataran. Usa siya ka magsusulat nga gradwado sa kursong komersiyo padulong sa pagka accountant sa University of San Carlos kaniadtong tuig 1961.  Nahimo siyang miyembro sa usa ka hugpong sa mga batan-ong magsusulat nga gitawag ug STUDENT PRESS.  Nahimo usab siyang   Associate Editor sa basahon  USC-JPIAN sa tuig 1962-63. Magtatampo usab siya isip magsusulat sa nasudnong magasin,  "Philippines Free Press" ug sa mga nag-unang peryodiko dinhi sa dakbayan sa Sugbo sa lunhaw pa ang iyang pangedaron. Nahimo siyang mamumuo sa usa ka pribadong kompaniya sa dakbayan sa Sugbo, ESCAÑO LINES, sulod sa napulo ug duha (12) ka tuig  dayon niyang tapon  ngadto sa NAPOCOR  ug nahimong kawani sa kagamhanan  sulod sa bayente dos (22) ka tuig. Niadtong tunga-tungang bahin sa tuig 2000, nilalin siya ngadto sa tinipong nasod sa Amerika ug sulod sa napulo (10) ka tuig, nagtrabaho siya sa  buhatan sa kagamhanan sa nasod sama  sa  UNITED STATES POSTAL SERVICE (USPS).  Karon sa pangedaron nga 68,  gihuptan gihapon niya ang walay pagkutat nga kadasig ug walay busganan nga kaikag sa pagpaambit sa iyang nahuptang abilidad  ug kabatid sa panulat.  Dili niya mapugngan ang kaugalingon sa pagpaambit sa iyang mga hunahuna labi na kon molambigit kini ug hisgotanan nga makadani sa iyang mga mata.)