MABUHI ANG KABABAYEN-AN!!!

Dili mahubit sa pulong ang gibati nakong kahigwaos samtang nagsud-ong kaninyong tanan nga nanagtingsi, nagpakita sa nagkadaiya ninyo’ng katahom. Nahisama kamong tanan sa bulak nga rosas sa lapad kaayong tanaman, ug samtang ako nga nakig-uban kaninyo mga tinamod kong kababayen-an, nahisama ako sa usa ka alibangbang, nagpatuyang ug singo sa alimyon sa inyong katahom ug kamadasigon. Sa pagsud-ong ko pa lamang kaninyong tanan, nahubog nako sa inyong gihuptang kaanyag, walay kabutangan ang akong pagbati. Sa pagkatinuod, ang babaye, ang kababayen-an, dili lamang giya sa tul-id nga dalan sa kauswagan ug kalamboan apan kuyog ug kauban usab sa pagpatul-id ug mopatul-id sa balikog nga dalan.

To all the women working in various government offices including those who brave the odds in the private sector, we have all the reasons in the world to honor all of you and tender this wondrous occasion by saying that, “the hand that rocks the cradle, is the hand that rocks the world”. Without batting an eyelash, let me tell you this, in your hands lie open the foundation of a united family always unfettered by the hands of time. Women stand equally with men in the fulcrum of scrutiny and respect. Biblically, Eve was taken from Adam's rib because she was his equal and God intended for her to stand beside him-- not below him, not behind him.

Sa kinatibuk-an, dili na hapit maihap ang walay puas nga pasidungog sa kamakinaadmanon, kalantip, kaisog ug kalapad sa kasingkasing sa kababayen-an sama nila ni Indira Gandhi sa India, Margaret Thatcher sa Britanya ug daghan pa kaayong mga kababayen-an nga mikulit na sa ilang pangalan sa panid sa kasaysayan.

Ang atong nasod nga Pilipinhon wala usab magpapiri. Gitisok, gipatubo hangtud nga migitib ug nanalingsing pag-usab ang liso sa demokrasya nga atong gipahimudsan karon pinaagi sa makugihong kamot ni kanhi Pangulong Cory Aquino kaniadtong tuig 1986. Ug dili pa lang dugay, ang pagkatudlo ni Lourdes Sereno isip Hepe sa mga mahistrado sa Korte Suprema nakahatag ug dili malalis nga kamatuoran sa dakong tampo sa kababayen-an sa atong nasod. Sa natad sa paghupot ug dagkong pangatungdanan, sa pagdumala ug mga sensitibong posisyon sa kagamhanan, ang kababayen-an karon nagtungtong na sa ikatulo’ng hut-ong nga kon subayon anaa na sa ikakap-atan ug unom ka porsiyento (46%). The unassailable fact is that, “for every success and failure of a man there is always a woman behind it."

Ug  kinsa man ang makalimot ni Napoleon Bonaparte, ang bantogang kongkistador sa Pransya?  Daghan ug dagko nga mga kanasuran sa Uropa  ang gipakurog  ni Napoleon sa dihang nagbarog pa siya sa kinapungkayan sa gahom.  Apan wala gayud siya managana pag-angkon sa iyang ig-anan sa dihang gipangutana mahitungod niini. Siya nagkanayon, "Mas palabihon ko pang muasdang  ug liboan ka bayoneta sa panggubatan kaysa paatubangon ako ug usa ka makabibihag nga  babaye nga  siguradong makatunaw ug makapalukmay sa tig-a kong kasing kasing.” 

 Mga kababayen-an, gihikyad ko na ang tanan, giladlad ko ang dili matuis nga kamatuoran. Ang kababayen-an   makamao,  kasaligan ug kauban gayud sa tul-id nga dalan. Tugoti nga  agnihon ko kamo sa pagbarog, ug sa lanog nga singgit   ipabati ta, “Mabuhi ang kababayen-an!!!”