Kaban ni Atty. J. B. Jimenez: LABAW SA TANAN

Labaw pa sa Gahum, Labaw Pa Sa Kabahandi-anon,

Labaw Pa Sa Katungdanang Labing Halangdon,

Labaw Pa Sa Kaalam Sa Mga Makinaadmanon,

Labaw Pa Sa Katahom Sa Mga Mabihagon,

Labaw Pa sa Tanang Mga Dalayegon,

Labaw Pa Sa Tanan Ang GUGMA....

II

Labaw Pa Sa Tanang Kagamhanan,

Labaw Sa Daghan Nga Gingharian,

Labaw Sa Mga Datu Ug Sultan,

Labaw Sa Mga Hari Nga Tanan,

Labaw Sa Tanang Banggiitan,

Labaw Gayod Ang GUGMA.

III

Labaw Sa Kasilag Ug Sa Pagdumot,

Labaw Sa Panimalos Ug Kayugot,

Labaw Ssa Kasuko' Nga Hugot,

Labaw Sa Kahiubos Sa Buot,

Labaw Sa Kasilong Misamot,

Labaw Ang GUGMA.

IV

Kay Ang GUGMA Masinaboton,

Ang GUGMA Mapahiubsanon,

Ang GUGMA Mainantuson,

Ang GUGMA Maunongon,

Ang GUGMA Malungtaron,

Ang Gugma Malig-on.

Sa Tanang Panahon,

GUGMA Gihapon,

Dili Mabalhinon.

(Bug-os ang pasalamat sa  KAHAYAG  ngadto sa nagsulat sa  garay    nga si  ATTY. JOSEPHUS B. JIMENEZ.   Usa siya ka kanhi Department of Labor and Employment  (DOLE)  Undersecretary, kanhi Vice President, PEPSI COLA PHILIPPINES, kanhi Director for Labor Relations, SAN MIGUEL CORP., kanhi Personnel Director, PETRON ug PNOC, magtutudlo sa kurso sa abogasya sa mga dagkong tunghaan sa Manila sama sa UST, FEU, UE, SAN SEBASTIAN,  kanhi Labor Attache ngadto sa mga nasod sa Malaysia, Kuwait ug Taiwan,  magsusulat sa nagkadaiyang libro sa mga nagtuon sa kurso pagka abogado. Nagikan siya  sa pamilya nga taga Ronda, Dumanjug ug Argao sa lalawigan sa Sugbo. Malamposon kaayo siya sa pagkab-ot sa iyang damgo ug tinguha, ug karon magtampohan sa peryodikong The Freeman isip magsusulat ug artikulo matag semana. Siya ang tigtukod sa grupo sa mga magsusulat nga magtatampo sa grupong LAB-OK  kon  LUNSAY NGA AMBAHAN SA MGA BISAYA SA FACEBOOK)